［藍色的精華像是帶著神秘！Phyto laboratory 藍銅胜肽精華］
雖然呢支藍銅胜肽已經出現咗一段時間，但由於太多豬妹仲係儍儍分不清佢同佢師姐B3精華有咩分別，仲上埋賊船比人一tum就兩支都買晒！依家老子就犧牲幾十萬上落嘅時間，話過你知佢兩支嘢究竟係用嚟搞什麼鬼？
喺芸芸含有B3成分嘅產品嚟講，Phyto lab算係幾有heart架，你估超高濃度15%B3精華惹少呀？平時有B3成分嘅精華落雞碎咁多架咋！典解成日都聽人講B3飽濕過B5呢，事關B3分子細小，比起一般B5 gel更加易被皮膚吸收，直達肌底。除咗適合老子呢種dry到核爆嘅膚質，仲特別針對一班迷你瘡人仕，幫痘痘做消炎同時平衡油脂。淡化黑色素嚟講呢，我就feel唔到黑眼圈位置有任何改善，但鎖水程度就真係夾萬咁實，唔錯，唔錯。
講返藍銅胜肽精華喇，基於我唔是醫科畢業嘅關係，起初我對呢個乜春藍銅係毫無頭緖的！但上咗全能嘅百度參詳完之後，發現此成分相當猛料！專門治癒受損皮膚！姐係若然你搞完什麼彩光激光乜針物針，除咗搽B3/B5同瘋狂敷補濕媽屎，有埋呢支藍銅胜肽精華就如虎添翼，皮膚復原時間立馬快一倍！因為藍銅胜肽可以刺激膠原蛋白增生，連吱損咗嘅暗瘡同黑頭位置，都可以加快癒合！
當然啦，Phyto lab同老子一樣都係對自己有要求嘅，所以呢支精華含有超高濃度3000ppm藍銅胜肽，而且分子極細，同佢成名作B3一樣直啪入肌底！藍銅胜肽其實仲可以淡化幼紋，不過我真係不瞞你説，我K.O.咗一支都唔覺條法令紋有任何變化，緊致皮膚我都係撐返Miracle-S拉皮面膜！
但我入室弟子丁丁豬就唔同喇！佢有做激光去斑，平時冇返七至十日塊面啲濕氣都返唔到嚟！試咗將B3加埋藍銅一齊用之後，竟然4日就甩晒焦，亦冇乾爭爭情況！
所以，如果你好似老子咁上下皮膚的話，真係冇必要入手藍銅，B3已經夠做！若然你生暗瘡頻密過港鐡故障，又簽落成身facial債的話，藍銅絕對係皮膚大補丸！
Search